أتعنى للجاي من بغداد
أروح وكلي شوق ووداد
اتعنى لأجل اسألهم
وأقوللهم ..
جيت اسأل على الحبيبة
جيت اسأل على الحقيقة

أصار وجرى بغيابي
أسأل عن شوارعها
عن أهاليها
عن الورد جوري بأراضيها
اسأل عن نخلها وروابيها
عن جروف ميها وشواطيها........؟؟

يجاوبني ويرد : لا تسألين يا خيتي
ترا بغداد ظلمة
وحل السواد بيها
جفت انهارها
ومات كل عشب بيها
ولا ظل ورد جوري
ولا نسيم هاب يطيب لياليها
دخان ...وخراب....ووحشة...وغير كوم تراب ما بيها !
أخوية بربك تذكر ......
قول ......
أنطق........ابد ما شفت شئ بيها
نعم ............كابوس وكتم أنفاسي
وريحة دم ساح بيها
ورهبة وخوف وغير هذا ما بيها

أخوية قول غيرها..!!؟؟
أنسي يا خيتي
أنسي بغدااااااااااد
والحروف اللي تكون أساميها
انسي ولا تخلي همها
وجع للقلب ودموع عين انهار تصبيها

شنسى يا خويه شنسى

أنسى أمي اللي بترابها تربيت
انسى امالي اللي زينت بيها جدران بيت
أنسى نسيم الصبح المار بأزهاري
أنسى بردات الشتا ومزاريب المطر أغسل بيها أاحزاني

أنسى اسمي وما انسى حبي
لبغداد كل سؤالاتي